Ministry of Labour and Vocational Training
  • English (UK) English
get
  • ទំព័រដើម
  • អំពីក្រសួង
    • សេចក្ដីសង្ខេបអំពី​ ក.ប.
      • ប្រវត្តិសង្ខេបអំពី ក.ប.
      • នីតិក្រមសង្ខេប
      • កម្រងរូបភាពរដ្ឋមន្ត្រី
    • រចនាសម្ព័ន្ធស្ថាប័ន
    • រចនាសម្ព័ន្ធនៃការគ្រប់គ្រង
  • គោលនយោបាយ និងផែនការ
  • របាយការណ៍ និងព្រឹត្តិបត្រ
    • របាយការណ៍ ស្ថិតិ
    • ព្រឹត្តិបត្រ
  • ឯកសារផ្លូវការ
    • ព្រះរាជក្រម
    • ព្រះរាជក្រឹត្យ
    • អនុក្រឹត្យ/សេចក្ដីសម្រេច
    • ប្រកាស
    • សេចក្តីប្រកាសព័ត៌មាន
    • សេចក្ដីជូនដំណឹង/សេចក្ដីណែនាំ
    • សេចក្តីសម្រេច
    • លិខិតជូនពរ
    • អនុសញ្ញាអន្តរជាតិខាងការងារ
    • កម្រងលិខិតបទដ្ឋានគតិយុត្ត
    • ផ្សេងៗ
  • កម្មវិធីជាតិកំណែទម្រង់
    • កែទម្រង់ការគ្រប់គ្រងហិរញ្ញវត្ថុសាធារណៈ
  • កម្មវិធីប្រចាំឆ្នាំ
    • សន្និសីទសេដ្ឋកិច្ចការងារ
    • ពិព័រណ៍ការងារ និងផលិតភាពជាតិ
  ធ្វើបច្ចុប្បន្នភាពលេខទូរសព័្ទ និងលេខអត្តសញ្ញាណប័ណ្ណសញ្ជាតិខ្មែរ

សេវាសាធារណៈ

បណ្ណ​/សៀវភៅការងារកម្មករនិយោជិតខ្មែរ
Link
សេវាពេទ្យការងារ
Link
បញ្ជិកាគ្រឹះស្ថាន​បណ្ដុះបណ្ដាល
Link
សេវាហត្ថពលកម្មបរទេស
Link
ស្វ័យប្រកាសអធិការកិច្ចការងារ
Link
ធ្វើការងារក្រៅប្រទេស
Link
ចង់ស្វែងរកការងារ
Link
សេវាផ្សេងៗ
Link
តាមដានសំណើសុំសេវារបស់អ្នក
Link
ប្រអប់បណ្តឹងអនាមិក
Link


ក្រសួងការងារ និងសមាគមចិន CIEA ពង្រឹងភាពជាដៃគូអភិវឌ្ឍជំនាញឧស្សាហកម្មបៃតង និងទាក់ទាញការវិនិយោគចិនមកកម្ពុជា

 ច័ន្ទ, 16 វិច្ឆិកា 2026 18:49  |    ផ្សព្វផ្សាយដោយ MLVT  |  111 ដង  |   បោះពុម្ព  |   Email
  • វិចិត្រសាល
ក្រសួងការងារ និងសមាគមចិន CIEA ពង្រឹងភាពជាដៃគូអភិវឌ្ឍជំនាញឧស្សាហកម្មបៃតង និងទាក់ទាញការវិនិយោគចិនមកកម្ពុជា

(ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈ បានទទួលជួបសម្តែងការគួរសម និងពិភាក្សាការងារជាមួយលោក លី អេឡែន (Lee Allen) ប្រធានសមាគមលើកកម្ពស់សេដ្ឋកិច្ចឧស្សាហកម្មកម្ពុជា (CIEA) នាព្រឹកថ្ងៃទី១៦ ខែវិច្ឆិកា ឆ្នាំ២០២៦ នៅទីស្តីការក្រសួង ដើម្បីបង្ហាញពីគំនិតផ្តួចផ្តើមក្នុងការស្វែងរកការពង្រឹងកិច្ចសហប្រតិបត្តិការរវាងភាគីទាំងពីរ ក្នុងការអភិវឌ្ឍជំនាញវិជ្ជាជីវៈ និងធនធានមនុស្ស ការផ្គូផ្គងការងារ ការផ្ទេរបច្ចេកវិទ្យា និងការជំរុញការអភិវឌ្ឍឧស្សាហកម្មបៃតង ក៏ដូចជាផលិតកម្មប្រកបដោយចីរភាពនៅកម្ពុជា។

 

នាឱកាសនោះ ឯកឧត្តមរដ្ឋមន្រ្តីបានស្វាគមន៍យ៉ាងកក់ក្តៅចំពោះ លោក លី អេឡែន និងសហការី ព្រមទាំងបានវាយតម្លៃខ្ពស់ចំពោះសមាគម CIEA ដែលបានដើរតួជា “ស្ពាន” សម្រាប់ភ្ជាប់កិច្ចសហប្រតិបត្តិការឧស្សាហកម្មកម្ពុជា-ចិន ក្នុងការជំរុញការលើកកម្ពស់ឧស្សាហកម្មកម្ពុជា និងកសាងប្រព័ន្ធខ្សែច្រវាក់ឧស្សាហកម្ម បង្កើតវេទិកាសហប្រតិបត្តិការសេដ្ឋកិច្ច និងឧស្សាហកម្ម ក៏ដូចជាការទាក់ទាញវិនិយោគ ជាពិសេសតាមរយៈសមាជិករបស់ខ្លួនជាង ១០០ សហគ្រាស ដែលក្នុងនោះក៏មានកិច្ចសហការជាមួយតំបន់សេដ្ឋកិច្ចពិសេសជាច្រើនផងដែរ។ 

 

ភាគីទាំងពីរបានពិភាក្សាគ្នាអំពីការបង្កើតមជ្ឈមណ្ឌលអភិវឌ្ឍន៍ជំនាញឧស្សាហកម្ម និងបណ្តុះបណ្តាលវិជ្ជាជីវៈកម្ពុជា-ចិនក្នុងការជំរុញការបណ្តុះបណ្តាលតាមតម្រូវការរបស់សហគ្រាស ការអនុវត្តជាក់ស្តែងនៅក្នុងរោងចក្រ ការបណ្តុះបណ្តាលគ្រូបង្គោល និងការបង្កើតប្រព័ន្ធវាយតម្លៃជំនាញវិជ្ជាជីវៈ ព្រមទាំងពិភាក្សាអំពីការផ្គូផ្គងការងារ និងតម្រូវការកម្លាំងពលកម្មក្នុងវិស័យឧស្សាហកម្ម។ លើសពីនេះ ឯកឧត្តម និងតំណាងក្រុមហ៊ុនចិនក៏បានពិភាក្សាលើកិច្ចសហការរវាងសហគ្រាសចិន និងកម្ពុជា, ការរៀបចំពិព័រណ៍ឧស្សាហកម្មចិននៅកម្ពុជា ព្រមទាំងកិច្ចសហប្រតិបត្តិការលើឧស្សាហកម្មបៃតង និងផលិតកម្មប្រកបដោយចីរភាព តាមរយៈការជំរុញការប្រើប្រាស់ថាមពលស្អាត ការគ្រប់គ្រង និងចម្រោះទឹកសំណល់ឧស្សាហកម្ម ការប្រើប្រាស់ធនធានឡើងវិញ ឧបករណ៍សន្សំសំចៃថាមពល សុវត្ថិភាព និងសុខភាពការងារ ក៏ដូចជាការបណ្តុះបណ្តាលជំនាញផលិតកម្មបៃតង ដើម្បីជួយសហគ្រាសបំពេញតាមតម្រូវការ និងខ្សែច្រវាក់ផ្គត់ផ្គង់អន្តរជាតិ។ 

 

លោក លី អេឡែន បានថ្លែងអំណរគុណយ៉ាងជ្រាលជ្រៅចំពោះឯកឧត្តមរដ្ឋមន្ត្រីចំពោះកិច្ចពិភាក្សាប្រកបផ្លែផ្កា និងបានបង្ហាញការកោតសរសើរចំពោះចក្ខុវិស័យដ៏វែងឆ្ងាយរបស់ក្រសួង ដោយលោកបានគូសបញ្ជាក់ថា ក្នុងទស្សនៈអ្នកវិនិយោគចិន ឯកឧត្តមរដ្ឋមន្ត្រីត្រូវបានចាត់ទុកថា ជាឥស្សរជនមួយរូបដែលមានឥទ្ធិពលវិជ្ជមានក្នុងការជំរុញការវិនិយោគឱ្យមានភាពជោគជ័យ និងការអភិវឌ្ឍនៅកម្ពុជា។ លោកមានប្រសាសន៍ថា សមាគមបានបង្កើតទីស្នាក់ការកណ្តាលរបស់ខ្លួននៅទីក្រុងទុងក្វាន់ ខេត្តក្វាងទុង ប្រទេសចិន ដែលត្រូវបានទទួលស្គាល់ថា ជាបេះដូងនៃ “រោងចក្រពិភពលោក” ដើម្បីជំរុញការតភ្ជាប់ធនធានវិនិយោគរវាងសហគ្រាសចិន និងឱកាសវិនិយោគវិស័យឧស្សាហកម្មនៅកម្ពុជា។ សមាគមបានប្តេជ្ញាចិត្តជំរុញការអភិវឌ្ឍវិស័យឧស្សាហកម្មនៅកម្ពុជាប្រកបដោយនិរន្តរភាព និងសង្ឃឹមថា ឯកឧត្តមនឹងគាំទ្រគម្រោងកិច្ចសហការដែលបានពិភាក្សា និងឈានទៅរកការបង្កើតភាពជាដៃគូផ្លូវការនឹងគ្នានាពេលអនាគត ដើម្បីផ្តល់ទំនុកចិត្តដល់អ្នកវិនិយោគចិនមកកម្ពុជាកាន់តែច្រើន។ 

 

ទន្ទឹមនឹងនេះ ឯកឧត្តមរដ្ឋមន្ត្រីក៏បានគាំទ្រចំពោះគំនិតផ្តួចផ្តើមទាំងនេះ ដោយឯកឧត្តមបានណែនាំសមាជិកសមាគមឱ្យភ្ជាប់ទំនាក់ទំនងទៅតាមវិស័យរបស់ក្រសួង ដូចជាទីភ្នាក់ងារជាតិមុខរបរ និងការងារ អគ្គនាយកដ្ឋានអប់រំបណ្តុះបណ្តាលបច្ចេកទេស និងវិជ្ជាជីវៈ និងអគ្គនាយកដ្ឋានការងារជាដើម។ ឯកឧត្តមសង្ឃឹមយ៉ាងមុតមាំថា ភាគីទាំងពីរនឹងបន្តកិច្ចពិភាក្សាគ្នាតាមវិស័យ ដើម្បីឈានទៅរកការពង្រឹង និងពង្រីកទំនាក់ទំនងផ្លូវការឱ្យកាន់តែរឹងមាំ ដែលនឹងជួយជំរុញឱ្យមានអ្នកវិនិយោគិនចិនកាន់តែច្រើនមកកម្ពុជា ជាពិសេសក្នុងវិស័យដែលអត់ទាន់មានការវិនិយោគ ដូចជាការផលិតក្រណាត់ជាដើម៕ 

 

#MLVT #HENGSour


Click to enlarge image o_1k7i3budd1a0q7pd15ai10pc8acr.jpeg
Click to enlarge image o_1k7i3budd1msj8qpc8ns3i1n82s.jpeg
Click to enlarge image o_1k7i3budd1mtp1qgth4g1akkj6210.jpeg
Click to enlarge image o_1k7i3budd1mum1a39nutkoa1rbr14.jpeg
Click to enlarge image o_1k7i3budd1ppf1qn988gutkmt815.jpeg
Click to enlarge image o_1k7i3budd1ref5mf1da41bakvk3q.jpeg
Click to enlarge image o_1k7i3budd1tjp1grkop9ovu1phot.jpeg
Click to enlarge image o_1k7i3budd18vll93cn61b3n1jjsp.jpeg
Click to enlarge image o_1k7i3budd68kn8hhh6ikl1jks17.jpeg
Click to enlarge image o_1k7i3budd197s1d3f1hfa125b1d2cu.jpeg
Click to enlarge image o_1k7i3buddchbnsnbaa1rfe1j4l16.jpeg
Click to enlarge image o_1k7i3buddgq117rb3arg2tub2v.jpeg
Click to enlarge image o_1k7i3buddhsl11ut3vnukc1bhb11.jpeg
Click to enlarge image o_1k7i3buddi23mjb1dlb1c2k4iv12.jpeg
Click to enlarge image o_1k7i3buddpeq1qu8loths02mt13.jpeg
View the embedded image gallery online at:
https://mlvt.gov.kh/index.php/%E1%9E%96%E1%9F%90%E1%9E%8F%E1%9F%8C%E1%9E%98%E1%9E%B6%E1%9E%93%E1%9E%90%E1%9F%92%E1%9E%98%E1%9E%B8%E1%9F%97/4-%E1%9E%96%E1%9F%90%E1%9E%8F%E1%9F%8C%E1%9E%98%E1%9E%B6%E1%9E%93%E1%9E%95%E1%9F%92%E1%9E%9F%E1%9F%81%E1%9E%84%E1%9F%97/3878.html#sigProId07399bf353

ទំនាក់ទំនង

023 884 375

1297 / 1286

855 23 884 376

អាសយដ្ឋាន​អ៊ីមែល​នេះ​ត្រូវ​បាន​ការពារ​ពី​បណ្ដា​យន្ត​ផ្ញើ​សារ​រំខាន ។ អ្នក​ត្រូវ​ការ​បើក​ប្រើ JavaScript ដើម្បី​មើល​វា ។ 

អាសយដ្ឋាន

  អគារលេខ ៣ មហាវិថីសហព័ន្ធរុស្សី សង្កាត់ទឹកល្អក់១
        ខណ្ឌដថសទួលគោក

 

តំណភ្ជាប់

ទីភ្នាក់ងារជាតិមុខរបរ និងការងារ

បេឡាជាតិសន្តិសុខសង្គម (ប.ស.ស)

ក្រុមប្រឹក្សាជាតិប្រាក់ឈ្នួលអប្បបរមា

កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ១,៥លាននាក់

TVET E-learning


Copyright © by 2012 - 2026 Ministry of Labour and Vocational Training.