ភាសាខ្មែរ 
ធ្វើបច្ចុប្បន្នភាពលេខទូរសព័្ទ និងលេខអត្តសញ្ញាណប័ណ្ណសញ្ជាតិខ្មែរ
(ភ្នំពេញ)៖ លោកស្រី ឃួន ច័ន្ទដូរេ ប្រធាននាយកដ្ឋានសហប្រតិបត្តិការអន្តរជាតិ និងជាតំណាងរបស់ឯកឧត្តម សោម ចំណាន អនុរដ្ឋលេខាធិការ បានដឹកនាំប្រតិភូក្រសួង ចូលរួមកិច្ចប្រជុំក្រុមការងារនៃឧត្តមមន្រ្តីការងារ ស្តីពីវឌ្ឍនភាពនៃការអនុវត្តការងារ ដើម្បីពង្រឹងភាពប្រកួតប្រជែងរបស់អាស៊ាន លើកទី១៥ (15th SLOM-WG) នៅថ្ងៃទី១៧ ខែមករា ឆ្នាំ២០២៣ តាមរយៈប្រព័ន្ធវីដេអូ នៅទីស្តីការក្រសួង។
កិច្ចប្រជុំនេះ ត្រូវបានរៀបចំ និងដឹកនាំដោយក្រសួងការងារ និងមុខរបរនៃសាធារណរដ្ឋហ្វ៊ីលីពីន និងមានការចូលរួមពីតំណាងក្រុមការងារនៃឧត្តមមន្រ្តីការងាររដ្ឋសមាជិកអាស៊ាន និងតំណាងលេខាធិការដ្ឋានអាស៊ាន។ កិច្ចប្រជុំនេះ គឺជាកិច្ចប្រជុំប្រចាំឆ្នាំដែលធ្វើឡើង ក្នុងគោលបំណង៖ (១) ចែករំលែកព័ត៌មានពីលទ្ធផលនៃកិច្ចប្រជុំអាស៊ានសំខាន់ៗ ដែលពាក់ព័ន្ធនឹង SLOM-WG (២) ពិនិត្យ និងពិភាក្សាលើសកម្មភាពនិងគម្រោងនានា ក្រោមផែកការការងារ SLOM-WG ឆ្នាំ២០២១-២០២៥ និង (៣) ពិនិត្យលើវឌ្ឍនភាពការងាររបស់ស្ថាប័នក្រោមដែនអាណត្តិ SLOM-WG។
នៅក្នុងកិច្ចប្រជុំនេះ ក្រុមការងារកម្ពុជាបានធ្វើបទបង្ហាញចំនួន៣ ជូនគណៈប្រតិភូអាស៊ាន រួមមាន៖ (១) លទ្ធផលនៃសន្និសីទអធិការកិច្ចការងារលើកទី១១ ដែលរៀបចំដោយកម្ពុជា នៅថ្ងៃទី១៥-១៦ ខែធ្នូ ឆ្នាំ២០២២ (២) លទ្ធផលនៃសិក្ខាសាលា នៃការចែករំលែកឧត្តមានុវត្តន៍ក្នុងការអនុវត្តរបបសន្តិសុខសង្គមផ្នែកថែទាំសុខភាព និងផ្នែកប្រាក់សោធនសម្រាប់បុគ្គលស្វ័យនិយោជន៍ ដែលរៀបចំដោយកម្ពុជា នៅថ្ងៃទី៣-៤ ខែធ្នូ ឆ្នាំ២០២២ និង (៣) លទ្ធផលនៃកិច្ចប្រជុំលើកទី២ នៃគណៈកម្មការអធិការកិច្ចការងារអាស៊ាន ដែលរៀបចំ និងធ្វើជាប្រធានដោយកម្ពុជា នៅថ្ងៃទី១៦ ខែធ្នូ ឆ្នាំ២០២២។
នៅកិច្ចបញ្ចប់ គណៈប្រតិភូអាស៊ាន បានវាយតម្លៃខ្ពស់ និង ថ្លែងអំណរគុណដល់ប្រទេសហ្វ៊ីលីពីន ដែលបានទទួលអាណត្តិជាប្រធាន SLOM-WG និងរៀបចំកិច្ចប្រជុំនេះ ដោយប្រព្រឹត្តទៅប្រកបដោយភាពជោគជ័យ និងទទួលបានលទ្ធផលជាផ្លែផ្កា។
