ភាសាខ្មែរ 
ធ្វើបច្ចុប្បន្នភាពលេខទូរសព័្ទ និងលេខអត្តសញ្ញាណប័ណ្ណសញ្ជាតិខ្មែរ
ថ្ងៃទី ២៩ ខែកក្កដា ឆ្នាំ២០១៤ ឯកឧត្តម អ៊ុំ មាន រដ្ឋលេខាធិការ តំណាងឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈ បានអនុញ្ញាតឲ្យ លោកស្រី Sukanya Vanichjakvong អគ្គនាយិកាក្រុមហ៊ុន One to One ( Cambodia) ដឹកនាំក្រុមការងារចូលជួបសំដែងការគួរសមនិងធ្វើបទបង្ហាញស្តីពីអត្ថប្រយោជន៏នៃការប្រើប្រាស់ប្រព័ន្ធ Contact Call Center ជូនដល់ក្រសួងការងារនិងបណ្តុះបណ្តាលវិជ្ជាជីវៈនៅសាលប្រជុំទីស្តីការក្រសួង។ជាកិច្ចចាប់ផ្តើម ឯកឧត្តម អ៊ុំ មាន បានមានប្រសាសន៏ថា ប្រទេសកម្ពុជា ជាប្រទេសដែលដំណើរការតាមលទ្ធិប្រជាធិបតេយ្យក្រោយពីការបោះឆ្នោតកន្លងមកអ្នកសង្កេតការណ៍ជាតិអន្តរជាតិនិងអង្គការក្រៅរដ្ឋាភិបាលបានទទួលស្គាល់ថាជាការបោះឆ្នោតស្របតាម កន្លងលទ្ធិប្រជាធិបតេយ្យពិតប្រាកដ។កន្លងមកទោះបីជាមានបញ្ហានយោបាយមិននឹងនរ ក៏ប៉ុន្តែវិស័យសេដ្ឋកិច្ចនិងការវិនិយោគទុននៅព្រះរាជាណាចក្រកម្ពុជាពុំមានការថយចុះនោះទេ។ លោកស្រីអគ្គនាយិកាក្នុងនាមក្រុមហ៊ុន one to one cambodia បានថ្លែងអំណរគុណដល់ក្រសួងការងារនិងបណ្តុះបណ្តាលវិជ្ជាជីវៈដែលបានផ្តល់ឪកាសដល់ក្រុមហ៊ុនបានណែនាំពីប្រព័ន្ធបច្ចេកវិទ្យានិងសេវាកម្មរបស់ក្រុមហ៊ុនក្នុងការបង្ហាញនូវទិសដៅសំរាប់ក្រសួងធ្វើការសិក្សាបន្ថែមទៀតថាតើមានសេវាកម្មណាមួយដែលអាចជួយពន្លឿនការងាររបស់ក្រសួងអោយកាន់តែមានភាពល្អប្រសើរថែមទៀត។លោកស្រីនាយិកាបានបញ្ជាក់ថាចំពោះអត្ថប្រយោជន៍ដែលក្រសួងទទួលបានបន្ទាប់ពីប្រើប្រាស់នូវសេវាកម្មរបស់ក្រុមហ៊ុន one to one cambodia រួមមាន
១.ជួយពន្លឿនកិច្ចការងាររបស់ក្រសួងអោយមានភាពងាយស្រួលក្នុងការគ្រប់គ្រងទិន្នន័យ និងចំនួនប្រជាពលរដ្ឋទាំងមានការងារធ្វើ បាត់បងការងារ ឬ ត្រូវការស្វែងរកការងារថ្មី។
២.បង្កើតនូវមជ្ឈមណ្ឌលកណ្តាល One Stop Service Point ដើម្បីផ្តល់សេវាកម្មជូនដល់ប្រជាពលរដ្ឋ ២៤ម៉ោងលើ២៤ម៉ោង។
៣.កាត់បន្ថយការបាត់បង់ការងារឬការអត់ការងារធ្វើនៃចំនួនប្រជាពលរដ្ឋ ។
៤.បង្កើតនូវទំនុកចិត្តនិងការពេញចិត្តទទួលយកនូវសេវាកម្មរបស់ក្រសួងការងារនិងបណ្តុះបណ្តាលវិជ្ជាជីវៈ។
៥.ជួយបង្កើតនូវមជ្ឈមណ្ឌលដើម្បីហ្វឹកហាត់មុខវិជ្ជាជីវៈគ្រប់ជំនាញ (Training Center) ដើម្បីឈានទៅរកប្រកួតប្រជែងជាមួយសហគមន៍ប្រជាជាតិអាស៊ាន (AEC) ។ ឯកឧត្តម អ៊ុំ មាន មានការចាប់អារម្មរណ៏និងកោតសរសើរចំពោះសេវាកម្មដែលក្រុមហ៊ុន one to one cambodia បានបំរើទៅដល់អតិថិជនរបស់ខ្លួនប្រកបដោយសមត្ថភាពខ្ពស់បច្ចេកវិទ្យាទំនើបមានភាពងាយស្រួលឆ្លើយតបទៅនឹងតំរូវការដែលក្រុមហ៊ុនជាដៃគូរចង់បាន។ ឯកឧត្តម រដ្ឋលេខាធិកា មានប្រសាសន៏សង្កត់ធ្ងន់ ថាក្រសួងបានប្រើប្រាស់នូវប្រព័ន្ធទំនាក់ទំនងមួយចំនួនរួចមកហើយប៉ុន្តែប្រព័ន្ឋទាំងនោះនៅមានកម្រិតនៅឡើយដូច្នេះឯកឧត្តមនឹងសុំគោលការណ៏ណែនាំពីឯកឧត្តមរដ្ឋមន្ត្រីបន្តទៀតក្នុងកិច្ចសហប្រតិបត្តិការគ្នាជាមួយក្រុមហ៊ុនជាបន្តបន្ទាប់ក្នុងកម្រិតណាមួយ។