ភាសាខ្មែរ 
ធ្វើបច្ចុប្បន្នភាពលេខទូរសព័្ទ និងលេខអត្តសញ្ញាណប័ណ្ណសញ្ជាតិខ្មែរ
នៅព្រឹកថ្ងៃទី២០ ខែកក្តដា ឆ្នាំ២០១៧ ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ អញ្ជើញដឹកនាំកិច្ចប្រជុំជាមួយតំណាងទីភ្នាក់ងារជ្រើសរើសពលករឯកជនប្រចាំនៅប្រទេសថៃ នៅស្ថានទូតកម្ពុជា ប្រចាំនៅទីក្រុងបាងកក។ នៅក្នុងកិច្ចប្រជុំនេះ ឯកឧត្តមបណ្ឌិតមានប្រសាសន៍ថា ពលករកម្ពុជាដែលកំពុងបម្រើការងារ នៅប្រទេសថៃមានចំនួន១លាន៥ម៉ឺននាក់ ក្នុងចំណោមពលករទាំងនោះ មានពលករជាង៧០ម៉ឺននាក់ជាពលករស្របច្បាប់ខណៈដែលជាង៣០ម៉ឺននាក់ទៀត នៅពុំទាន់មានភាពស្របច្បាប់នៅឡើយ។ ឯកឧត្តមបណ្ឌិតរដ្ឋមន្ត្រី ក៏បានធ្វើការលើកឡើងពីបញ្ហារសើប មួយចំនួនដែលទាក់ទងទៅនឹងបងប្អូនពលករខ្មែរយើងនៅថៃ ជាពិសេសបងប្អូនពលករខុសច្បាប់ ដោយអាជ្ញាធរថៃបានកែទំរង់ច្បាប់រឹតបន្តឹងដល់និយោជក និងកម្មករខុសច្បាប់ ។ បញ្ហានេះនាំឲ្យបងប្អូននិងក្រុមគ្រួសាររបស់ពលករខ្មែរយើងមានការព្រួយបារម្ភខ្លាំងចំពោះសុវត្ថភាព និងជីវភាពរបស់ពួកគាត់ ជាពិសេស ការបណ្តេញចេញពលករខុសច្បាប់ពីប្រទេសថៃដែលធ្លាប់បានកើតឡើងម្តងរួចមកហើយកាលពីឆ្នាំ២០១៤។ ដោយសារកត្តាទាំងនេះ ក្នុងកិច្ចទប់ស្កាត់ ការពារសិទ្ធិ និងផលប្រយោជន៍ពលករ ទើបក្រសួងការងារ និងណ្តុះបណ្តាលវិជ្ជាជីវៈ អនុញ្ញាតអោយមានក្រុមហ៊ុនជ្រើសរើស គ្រប់គ្រងពលករទៅធ្វើការនៅក្រៅប្រទេស ដើម្បីជៀសវាងនូវការរំលោភបំពាន ការជួញដូរមនុស្ស និងការរស់នៅខុសច្បាប់។ ឯកឧត្តមរដ្ឋមន្រ្តី បានជំរុញឱ្យក្រុមហ៊ុននាំពលករមកធ្វើការនៅប្រទេសថៃទាំងអស់ ត្រូវយកចិត្តទុកដាក់គ្រប់គ្រង ការពារសិទ្ធិ និងផលប្រយោជន៍ស្របច្បាប់របស់ពលករ ជៀសវាងការប្រព្រឹត្តិអំពើល្មើសច្បាប់ផ្សេងៗរបស់ប្រទេសថៃ ដែលនាំទៅដល់ការចាប់ខ្លួនបញ្ជូនទៅកម្ពុជាវិញ។ ទន្ទឹមនោះ ក្រសួងនឹងចាត់វិធានការតឹងរឹងចំពោះក្រុមហ៊ុនណាដែលអនុវត្តខុសច្បាប់ ឬប្រព្រឹត្តអំពើផ្សេងៗប៉ះពាល់ដល់ផលប្រយោជន៍ពលករ។ ជារួមការធ្វើចំណាកស្រុកជាបញ្ហាសាកលដែលប្រទេសជាច្រើនបាននឹងកំពុងផ្តល់លទ្ធភាពដល់ពលកររបស់ខ្លួនទៅធ្វើការនៅក្រៅប្រទេស ដើម្បីអាចទទួលបាននូវប្រាក់ចំណូលខ្ពស់ ក្នុងការទ្រទ្រង់ជីវភាព ព្រមទាំងការដកយកបទពិសោធន៍ និងជំនាញវិជ្ជាជីវៈ ដែលអាចឱ្យពួកគេរកការងារធ្វើ ឫបើកអាជីវកម្មផ្ទាល់ខ្លួនបានបន្ទាប់ពីការវិលត្រឡប់មកប្រទេសខ្លួនវិញ។ ដោយឡែកនៅតំបន់អាស៊ីមានប្រទេសចំនួន ៧ ក្នុងចំណោម ១០ ប្រទេសដែលបានបញ្ជូនពលករទៅធ្វើការនៅក្រៅប្រទេស លើកលែងតែប្រទេសប្រុយណេ សឹង្ហបូរី និងម៉ាឡេស៊ី។
