យោងតាមមាត្រា៣៥៧ នៃច្បាប់ស្តីពីការងារ គណៈកម្មការប្រឹក្សាការងារមានបេសកកម្ម និងភារកិច្ចដូច ខាងក្រោម៖
» បេសកកម្ម៖
• សិក្សាស្រាវជ្រាវរាល់បញ្ហាទាក់ទងនឹងការងារ មុខរបបរនៃកម្មករនិយោជិត ប្រាក់ឈ្នួល ការអប់រំវិជ្ជាជីវៈ ចលនាកម្លាំងពលកម្មក្នុងប្រទេស ទេសន្តរប្រវេសន៍
• រៀបចំឱ្យរឹតតែប្រសើរឡើងនូវលក្ខខណ្ឌខាងសម្ភារៈ និងខាងស្មារតីនៃកម្មករនិយោជិត បញ្ហាអនាម័យ និងសន្តិសុខការការងារ។
» ភារកិច្ច៖
• លើកយោបល់ណែនាំអំពីអត្រាបៀវត្សអប្បបរមាដែលត្រូវធានា
• ផ្តល់យោបល់ជាមុន ដើម្បីពង្រីកដែនអនុវត្តអនុសញ្ញារួម ឬក្នុងករណីដែលគ្មានអនុសញ្ញារួមទេ ផ្តល់យោបល់ជាយថាហេតុជាមុន ចំពោះបទបញ្ជានៃលក្ខខណ្ឌមុខរបបរនៅក្នុងវិជ្ជាជីវៈមួយ ឬក្នុងវិស័យសកម្មភាពណាមួយជាក់លាក់។